AS FAMILIAS CONTAN: Familia de Carla Martínez

     Rematamos o mes de abril cunha actividade de As Familias contan: Carla Martínez e a súa nai Guadalupe Pardo viñeron a contarnos o libro A nena e o avó de Iván Suárez que é un conto con música para coro infantil e piano composta por Josu Elberdin.

    Elas escolleron este libro porque Carla e outras nenas do colexio que estudan na Escola de Música de Sober participaron na gravación en directo das cancións do mesmo que se realizaron no concerto de clausura de Ourencanto 2024.

  Con Carla e a súa nai coñecemos a Briana que é a protagonista da historia, unha nena de 6 anos que ademais é a autora da idea orixinal dos lacuchinos que sons uns seres máxicos con forma de corazón.

   Tamén coñecemos ao seu avó que lle explicou moitas cousas sobre outros seres máxicos da nosa cultura: os trasnos, os meniñeiros, o treboeiro...

   Outras cousas que aprendemos foron que ao arco da vella se lle pode chamas arco iris, arco das meigas ou arco das mozas; que se o vemos sobre o mar anuncia bo tempo pero se está sobre a terra, choiva ou neve e que se pasamos por debaixo del podemos pedir un desexo que seguro se vai cumprir.

   Ademais durante a lectura do conto, puidemos gozar en directo das cancións do libro xa que Carla e as súas amigas (Estrela, Noa, Leonor, Xiana e Silvia) se animaron a cantar as cancións á vez que Lupe nos contaba a historia de Briana e o seu avó.

  Se vós queredes escoitar esta historia e desfrutar un pouquiño das súas voces podedes facelo no seguinte podcast que elas gravaron en Radiuvín.

 

 MOITAS  GRAZAS  POR  COMPARTIR  CON  NÓS  ESTA  LECTURA  TAN  ORIXINAL  E  POR  COMPARTIR  TAMÉN AS  VOSAS  VOCES!!

GALERÍA  DE  IMAXES

CLUB DE LECTURA (13 / 2023 - 204)

     Comezamos unha nova aventura no club de lectura deste curso coa poeta á que se lle dedican este ano as Letras Galegas: Luísa Villalta.

   Para coñecela mellor traballamos coas fichas publicadas pola Deputación de Pontevedra nas que fan un pequeno resumo da súa vida e das súas publicacións; así cando comecemos coa lectura da súa obra saberemos interpretala mellor.

CARTAS DENDE A RÍA (V)

      O mes de abril tráenos unha nova entrega de cartas desde o CEIP de Seara - Moaña.

    A recepción destas cartas estase convertendo nun momento moi entrañable para o noso alumnado pois na actualidade xa non estamos acostumados a recibir cartas en papel; non hai máis que observar a emoción coa que viven este momento:

GALERÍA  DE  IMAXES

FLOTACIÓN E PRINCIPIO DE ARQUÍMEDES

   O alumnado de 5º de Primaria segue traballando a materia de ciencias facendo experimentos na biblioteca escolar; neste caso puxeron en práctica os coñecementos adquiridos sobre flotación e o principio de Arquímedes. 

  Así puideron entender por que un barco que pesa toneladas non afunde mentres que un pequeno anaco de ferro ou unha pedriña que pesa moito menos, si o fan.

APADRIÑAMENTOS E AMADRIÑAMENTOS LECTORES

     Desde fai varios anos, para conmemorar o Día do Libro realizamos unha das actividades preferidas do noso alumnado: os apadriñamentos e amadriñamentos lectores.

      

       Nesta actividade, os biblioaxudantes organízaronse en cinco grupos que se repartiron polo colexio con candanseu libro para lerlles ao resto do alumnado que, tamén dividido en 5 grupos, foi percorrendo a senda dos libros:

    Comezaba a ronda na biblioteca, onde Germán e Candela contaban o libro  A pantasma colorida  de Gema García (Hércules Ediciones) cuns títeres elaborados por eles mesmos.

 

    No corredor principal Carlota e Martín esperaban para contar o libro  Tarde de sapo  de Maite Mutuberria (Ed. Kalandraka).

 

   Continuamos no patio de colexio. Alí estaban  Daniela, Pablo e Lara  que compartiron con nós o libro  Lobo só quería cantar  de Pilar Serrano (Ed. Triqueta).

   Seguimos o percorrido e chegamos á sombra dun castiñeiro do patio onde  Itzae, Ada e Nayara dramatizaron o relato O labrego e o rei do libro  Tres contos para crianzas  de Vicente Risco (Aira Editorial)

   O percorrido remataba con  Antía e Javier  que contaron o libro en verso  A bruxa divertida  de Ricardo Alcántara (Ed. Kalandraka)

 Podedes ver todas as imaxes desta actividade na 

GALERÍA  DE  IMAXES

 

MOITAS  GRAZAS  AOS  BIBLIOAXUDANTES  POR  ESTAS  LECTURAS!!

FELIZ  DÍA  DO  LIBRO!!

DÍA DO LIBRO: explosión primaveral

    Este ano para o día do libro quixemos darlle unha segunda vida a algúns libros do expurgo converténdoos nunha explosión de primavera segundo un modelo de pinterest de Laura Daniel.

     Para iso comezamos pintando, recortando, troquelando e pegando flores e bolboretas...

   Despois pegámolas nuns pequenos paus de diferentes tamaños e dobramos sobre si mesmas algunhas páxinas dos libros do expurgo para poder suxeitar nelas os paus coas flores e as bolboretas.

 

 

  Finalmente colocamos todos eses libros no corredor principal do colexio onde quedan moi fermosos!!

 

 

 

 

ACTIVIDADES CREATIVAS

   Durante as últimas semanas, o alumnado de Ed. Infantil está levando a cabo un montón de actividades creativas que, ademáis de ser súper divertidas, son un complemento extraordinario no proceso de ensinanza-aprendizaxe das crianzas.

Busca de letras

  

                                  
  

Reprodución de grafismos

 

  

Traballo de motricidade fina e números